شاربة ببسي ومدلعة نفسي
عدد المساهمات : 91 السٌّمعَة : 0 تاريخ التسجيل : 18/08/2009 العمر : 28 الموقع : عمان_ابو نصير العمل/الترفيه : شريبة ببسي المزاج : بشرب ببسي كيف بدي كون (روااااااائ ع الأخر)
| موضوع: قصص أردنية من حياتنا اليومية الأحد سبتمبر 06, 2009 5:57 am | |
| 1- أنك تكون ماشي عال الخط السريع .. وفجأة الشارع يصير أزمة، ولا هي
ترويحة موظفين ولا هي سيارة بتقزدر على اليمين تطقّس عال صبايا، وبعد نص ساعة من الازمة، بتكتشف انه صاير حادث! بس الحادث على السايد الثاني .. وكل هال الازمة لانه العالم بتهدّّي عشان تشوف كيف ووين ومين وليش صار الحادث! وبيحاولوا يحللوا انه الحق على مين وهاد ضاربوا من ورا "بلا قافية" وهيك، المشكلة انّك بتصير تسبسب وتلعن، وبس توصل بمحاذاة الحادث، إلا ما تهدّي عشان توخذ نظرة انت الثاني ..
2- أنه العالم تاخذ الامور بشكل مسّلم به، ويا ريت بس هيك، لأ لازم شوية إضافات من كل واحد .. يعني بيجي "أ" من الناس بخبّر "ب" أنه: الجمرك على السيارات راح ينزل باخر السنة! بيروح "ب" مخبّر "ج" .. و "ج" مخبّر "د" وهكذا .. المهم بالاخر بتقعد مع "ع" من الناس وبيحكيلك: يا زلمة راح يلغوا الجمرك كلّوا من هون لشهرين! وعرظ اختي قرأتها بالجريدة من يومين!
3- أنك تكون بعرس، المعازيم بحدود 300، وفجأة .. بعد ما يخلص البوفيه، ما بيضلّ غير 30 واحد تقريبا، اللي همّه المقربين، والباقي بياكل اخر لقمة وهو على باب الأوتيل! طب ارقصولكوا رقصة قبل ما تروحوا .. مش انه عشان تفرحوا بالعرسان، اقل ما فيها تهضموا الصخماط االلي طفحتوه!
4- أنك مستحيل تطلع مع شوفير تكسي وتفتح معه أي موضوع، إلا يكون بيفهم فيه أكثر من أي حدا تاني، حتى المختصّين بالموضوع أنفسهم، ومش بعيدة يطلعك حمار بالاخر طب مهو انت ليش فتحت معه الموضوع من اساسه؟ معه حق يطلعك حمار بلا مؤاخذة ..
هظاك المرظ
أبو فوزي: اه يام فوزي .. وين كنتي لحد هسّه
أم فوزي: والله بكيت بعزّي بام انور .. المسخمة اعطتك عمرها!
ابو فوزي: لا حول ولا قوة الا بالله! المسكينة كيف ماتت؟ اكيد راحت جلطة!
ام فوزي: لا والله .. يا ريت جلطة! ماتت بهظاك المرظ!
ابو فوزي: انوا مرظ؟
ام فوزي: هظاك المرظ!
ابو فوزي: انوا مرظ يا حرمة؟ فلوزت الولّية وما قدرت تستحمل فماتت؟
ام فوزي: لأ لأ .. هظاك المرظ!
ابو فوزي: يا بنت الناس انوا واحد؟ التهاب كبد وبائي؟ ولا طلع السكّر معها؟ ولا خوف الله انها رشّحت رشحة قويّة، وهي بتعطس خبط راسها بالسكملة فوقعت وماتت؟
ام فوزي: يا زلمة لأأأأأأأأأأأأأأأأأأأأ!! بقلّك هظال المرظ!!
ابو فوزي: اه اه .. لا يكون قصدك السرطان؟
ام فوزي: شششششششششششششش .. تحكيش اسمه يا زلمة!!
ابو فوزي: ول ليش؟ هو كاين بيعظّ؟ المهم .. وين اجاها المرظ؟
ام فوزي: هون "وأشّرت على منطقة بين منخارها واصبع اجرها الزغير"
ابو فوزي: يا بنت الناس مالك؟ وين اجاها؟ بالصدر يعني؟ "وحطّ أيده على صدره"
ام فوزي: تف تف تف تف تف تف! تفولشّ على حالك يا رجّال!!
ابو فوزي "طال محرمة ومسح البزاقة الي على وجهه": يا مرة والله انّك خرفنتي!
المهمممممممممم .. شو بدكوا بطولة السيرة، ام انور ماتت .. وام فوزي راحت ما تتطلّق، والناس لسّه مش فاهمة انوا السرطان اله كتير اسباب، مش راح اخوض بتفاصيلها لأني مش ضليع بالموضوع، بس الي أنا متأكد منه انوا السرطان مش واقف على باب كل بيت بيستنّى حد يحكي اسمه ويشاور على محل بجسمه عشان ييجي يلزق فيه! | |
|
crazy girl
عدد المساهمات : 848 السٌّمعَة : 0 تاريخ التسجيل : 06/08/2009 العمر : 27 الموقع : الاردن العمل/الترفيه : طالبه المزاج : coo0o0o00ooool
| موضوع: رد: قصص أردنية من حياتنا اليومية الأحد سبتمبر 06, 2009 5:59 am | |
| hehehehehehehhe wallah m3k 7a2 thxxxx | |
|
senoo صبية مذهلة
عدد المساهمات : 2643 السٌّمعَة : 0 تاريخ التسجيل : 17/08/2009 العمر : 26 الموقع : آخر طابق من عمارة الأحزان شارع الغرام العمل/الترفيه : تاجرة الأحزان المزاج : تعبانة من الحب
| موضوع: رد: قصص أردنية من حياتنا اليومية الأحد سبتمبر 06, 2009 10:37 am | |
| هلا ....................... | |
|